မာန၊ အတ္တ နှင့် ဂုဏ်ဓနများ

မနေ့ညက စာလေးတပုဒ်ဖတ်လိုက်မိတာ ခေါင်းထဲကိုအတွေးတခုဝင်လာလို့ ဒီပို့စ်လေးကို ရေးလိုက်တာပါ

လောကမှာ ဂုဏ်ဓန၊မာန နှင့် ငွေ ဆိုတာဒွန်တွဲနေတယ်ဗျ ဂုဏ်ဓနရှိတဲ့သူကလဲ သူ့မှာရှိတဲ့ ဂုဏ်ဓနအလျှောက်မာနရှိကြတယ် ငွေရှိတဲ့သူကလဲ ငွေရှိတဲ့ဆိုတဲ့မာနလေးပေါ့ဗျာ
အဲ ဘာမှမရှိတဲ့သူကလဲ ဘာမှမရှိတဲ့အလျှောက်မာနလေးတော့ရှိကြတာပါပဲ ဒါပေမဲ့ ဓနဂုဏ်မောက်တယ် ဆိုတာက သိပ်ကောင်းတာမဟုတ်ဘူးဗျ ဒါတွေကအမြဲတည်မြဲနေမယ်လို့မှ ပြောလို့မရတာ

မတော်လို့ဗျာ မီးလောင်သွားလို့ ဖြစ်ဖြစ် ရေကြီးလို့ပဲဖြစ်ဖြစ် ကိုယ့်မှာရှိတဲ့စည်းစိမ် ဥစ္စာတွေ အကုန်ကုန်သွားပါပြီဆိုပါတော့ တချိန်က ကိုယ်နှိမ့်ချစွာဆက်ဆံခဲ့တဲ့ လူတွေနဲ့ တန်းတူအခြေအနေကိုရောက်သွားခဲ့ရင်.....................သို့မဟုတ် ထိုလူများထက်နိမ့်ကျသော အနေအထားသို့ရောက်ရှိသွားခဲ့ရင်...............

မဖြစ်နိုင်တာ ဒီကောင်တော့ညကောင်းကောင်းမအိပ်ပဲ ဂေါက်တောက်တောက်တွေ လျှောက်ရေးနေပြန်ပြီလို့ မထင်လိုက်ပါနဲ့ ဆူနာမီလိုလှိုင်းကြီးကို အရင်တုန်းကဘယ်သူက ဖြစ်နိုင်မယ်လို့ထင်မှာလဲ တကယ်လဲဖြစ်လာရော ရှိတဲ့မာနတွေ ဂုဏ်ဓနတွေ ငွေတွေ အသာထား ကိုယ်တောင်မနည်းအသက်ရှင်အောင်ပြေးကြရတာမလား

လူတချို့ရှိတယ်ဗျ ငါ့အဖေက ဘာမို့လို့ ငါတို့မှာပိုက်ဆံဘယ်လောက်ရှိလို့ ဆိုတဲ့မာနတွေနဲ့ လူတိုင်းကိုမတူသလိုမတန်သလို ဆက်ဆံတတ်ကြတယ် အဲဒီလိုလူတွေကိုကြည့်ပြီး သနားမိတယ်ဗျာ သူတို့မှာသူတို့မာနတွေ သူတို့ဂုဏ်ဓနတွေနဲ့ အတူတူ တဖြည်းဖြည်းလူအသိုင်းအ၀ိုင်းအပြင်ဘက်က သူတို့လိုမာနရှင်လူတန်းစားတွေ နဲ့အတူတူရောက်သွားတယ်ဆိုတာ သိလိုက်ကြမယ်မထင်ပါဘူး

ဆရာတယောက်ပြောတာမှတ်ထားဖူးပါတယ် တကယ်ကောင်းတဲ့စကားလေးပါ "ငါ့အဖေဆရာဝန် အင်ဂျင်နီယာ ပိုက်ဆံဘယ်လောက်ရှိတယ်ဆိုပြီး ဘ၀င်မြင့်မနေကြနဲ့ အဲဒါတွေကသူများဂုဏ်ကိုမှီပြီးဖြစ်နေတာ မင်းကိုယ်တိုင် ဆရာဝန် အင်ဂျင်နီယာမဟုတ်သေးဘူး ဆရာဝန့်သားသမီး အင်ဂျင်နီယာသားသမီးပဲဖြစ်သေးတာ ကိုယ်ကိုယ်တိုင် ဖြစ်အောင်လုပ်ပြီး ကိုယ့်ဂုဏ်နဲ့ကိုယ်နေနိုင်မှမြင့်ချင်မြင့်ကြ " တဲ့ သိပ်ကောင်းတဲ့စကားလေးပါ ကြာတော့ကြာပါပြီ လွန်ခဲ့တဲ့ ၃ နှစ်လောက်ကဆရာတယောက်ပြောခဲ့တာပါ အကောင်ကြီးကြီးရဲ့သားတယောက် ဆရာကအတန်းနောက်ကျလို့ဆူတာကို မချေမငံပြောပြီး အပြင်ထွက်သွားတုန်းက ဆရာပြောခဲ့တဲ့စကားလေးပါ ကျွန်တော်တသက်လုံးအမှတ်ရနေမဲ့စကားလေးပါ

ဒါတွေပြောနေတော့ ဒီကောင်တော့ ကိုယ့်ထက်မြင့်တဲ့ ချမ်းသာတဲ့လူတွေကို မနာလိုဖြစ်ပြီး ရေးနေပြန်ပြီလို့တော့မထင်လိုက်ပါနဲ့ ကျွန်တော်က အတတ်နိုင်ဆုံးဓနဂုဏ်တွေ မာနတွေနဲ့ခပ်ဝေးဝေးမှာနေချင်တဲ့လူပါ လောလောဆယ်လဲဘာမှမရှိပါဘူးဗျာ ကွန်ပြူတာသေးသေးလေးတလုံးရယ် ပိုက်ဆံလေးတချို့ရယ်ပဲရှိတယ် တော်ပြီပေါ့
ဒီလောက်ဆိုလဲ
ကိုယ့်ကိုယ်ကိုဖေါ် မသူတော်တဲ့ ငါမသူတော်ကြီးဖြစ်နေပြန်ပြီလား မသိဘူး ဟီးဟီး ဘာလုပ်မှာလဲဗျာ

မာနတွေခဏလောက် ခ၀ါချပြီး လွတ်လွတ်လပ်လပ်လေး တချက်လောက်ပြုံးကြည့်လိုက်ပါ လောကကြီးကပျော်စရာကောင်းသွားပါလိမ့်မယ်

ခဏတာပဲနေရတဲ့ဘ၀ကြီးကို ပျော်ရွှင်စွာဖြတ်သန်းနိုင်ကြပါစေ

ချစ်သူ

မျက်စိမှိတ်ထားပါလျက်
ကောင်းကင်ကို သတိရသည့်အခါ
တိမ်များကို မြင်နေရပါသည်၊၊

အလွန်ဝေးကွာသည့်အရပ်ကို ရောက်နေပါလျက်
ပင်လယ်ပြာကို စဉ်းစားမိသည့်အခါ
လှိုင်းပုတ်သံကို ကြားယောင်နေတတ်ပါသည်၊၊

အခန်းကျဉ်းထဲမှာ အိပ်နေပါလျက်
ဥယျာဉ်ထဲကို စိတ်ရောက်သွားသည့်အခါ
နှင်းဆီရနံ့ကို ခံစားရရှိနေတတ်ပြန်ပါသည်၊၊

သေဆုံးသည်အထိ
မှတ်မိကျွမ်းဝင်သွားစေမည့်အရာမှာ
(ငါ့)ချစ်သူသာဖြစ်ပါ၏ ၊၊


ဆရာကြီး မောင်စိန်ဝင်း(ပုတီးကုန်း) ရဲ့ကဗျာလေးပါပဲ
ကျွန်တော် အရမ်းကြိုက်တဲ့ကဗျာလေးပါ

ထာဝရ

ပွင့်လျှင်လည်းနမ်း
နွမ်းလျှင်လည်းကောက်
ခြောက်လျှင်လည်းသိမ်း
တိမ်းညွတ်တွယ်မက်
သည်တသက်မှာ
တပွင့်သာလေ
စွမ်းလန်းနေမည်
ဝေေ၀ကြွေကြွေ မြတ်နိုး၏

ဆရာကြီး မောင်စိန်ဝင်း(ပုတီးကုန်း)ရဲ့ကဗျာလေးပါ

Missing You

ကျေးဇူးတင်လွှာ

ဒီနေ့ စာလေးတပုဒ်လောက်ရေးချင်တာ ရေးစရာအကြောင်းက ခေါင်းထဲကမထွက်ဘူး
ဒါနဲ့ ညနေအိမ်ကိုဖုန်းဆက်ရင်း ညီမတယောက်ပြောတဲ့ အကယ်ဒမီပေးပွဲဆိုတာ သတိရတာနဲ့ ဒီပိုစ့်လေးကို ရေးလိုက်တာပါ

ဘာဆိုင်လို့တုန်းဟ ဆိုင်တာပေါ့ဗျာ အကယ်ဒမီပေးပွဲမှာ အကယ်ဒမီရရင် ကျေးဇူးတင်စကားပြောတယ်လေ ကျွန်တော်က အကယ်ဒမီတော့မရပါဘူး ရမှာလဲမဟုတ်ပါဘူး ဘာလို့လဲဆိုတော့ မင်းသားမှမဟုတ်တာဗျ ဟုတ်တယ်မလား စိတ်ထဲပေါ်တာတွေလျှောက်ပြောနေတာနဲ့ ရေးမယ့်အကြောင်းအရာတောင် ဘယ်ရောက်သွားလဲမသိဘူး
အတည်ရေးတော့မယ်နော်
(အကယ်ဒမီပေးပွဲကလိုဖြစ်သွားရင်တော့ ကြိုပြီးတောင်းပန်တယ်နော် ဟီး)

ပထမဆုံးကျေးဇူးတင်ချင်တာကတော့ ကျွန်တော့်ကိုဒီအရွယ်ထိရောက်အောင် ကျွေးမွေးပညာသင် ကျွန်တော်ဆိုးသမျှကိုသည်းခံတဲ့ အဖေနဲ့အမေကိုပါ (အခုနိုဝင်ဘာလမှာ အမေ့မွေးနေ့ မကန်တော့လိုက်ရဘူးဗျာ ဒီကနေပဲဦးချလိုက်ပါတယ် အမေရေ)

နောက်ပြီး ကျွန်တော်ဘလော့စရေးတုန်းက မေးသမျှကိုစိတ်ရှည်ရှည်နဲ့ ဖြေပေးတဲ့ ဆရာအောင်ဇော်ဌေး

ကျွန်တော့်ပထမဆုံးဘလော့ (အခုအပြင်လွန်လို့ပျက်သွားပါပြီ) ထဲက အမြဲတမ်းအားပေးစကားပြော အမြဲတမ်းဖတ်ပေးတဲ့ ကိုညို

ပို့စ်တခုတင်ပြီးတိုင်း အားမှန်းမအားမှန်းမသိ အတင်းလင့်ပေးပြီးဖတ်ခိုင်းတိုင်းဖတ်ပေးတဲ့ Gtalk ကသူငယ်ချင်းများ

ညမအိပ်တိုင်း ကော်မန့်ဝင်ရေးတတ်တဲ့ ဂျေကြီး

ဘလော့ပုံစံလေးပြင်တိုင်း ၀င်ကြည့်ဆိုရင်ကြည့်ပေးရှာတဲ့ ညီငယ် ပန်ကီ

ဒဿနတွေပြောပြတတ်တဲ့ ကိုကြီးကံ နဲ့ရုရှားရောက်နောင်တော်များ

ကျွန်တော့်ဗရုတ်သုတ်ခများကို ဖတ်ပေးကြတဲ့သူငယ်ချင်းများ

ကျွန်တော့်စာပေလေးများကို အားပေးသွားတဲ့ အစ်ကိုဇောင်း ၊ကိုရဲကြီး ၊ကိုဖန်ခါးမြေ၊ကိုနွေဆူးလင်္ကာ ၊ပန်းကလေး

ကျွန်တော့်ဘလော့လေးကို အမြဲတမ်းအားပေးတဲ့ ကိုဘာဘူ

အခုကျွန်တော် ရေးတဲ့အထဲမှာ ကျန်သွားတဲ့သူငယ်ချင်းများအားလုံး

စီဘောက်မှာ မရေးပဲလာလည်သွားကြတဲ့ သူငယ်ချင်းများအားလုံးကို ကျေးဇူးအထူးတင်ရှိပါတယ်လို့ ပြောချင်ပါတယ်

တကယ်ပြောတာဗျ
မနက်အိပ်ရာနိုးလို့ ပထမဆုံးဘာလုပ်လဲလို့မေးရင် မျက်နှာသွားသစ်တာပေါ့လို့ မထင်နဲ့နော်
ပထမဆုံး ဘလော့လေးကို အရင်ဝင်ကြည့်မိတယ်
စီဘောက်မှာ ဘယ်သူဘာရေးခဲ့လဲပေါ့
တယောက်ယောက်က ကော်မန့်ရေးပေးခဲ့ရင် အဲဒီနေ့က ပျော်လို့မဆုံးဘူး
ကျွန်တော်ပထမဘလော့လေးပျက်ပြီး ဆက်ရေးနေမိတာကလဲ
အဲဒီခံစားချက်လေးကို ကြိုက်လို့ပါ
အဲဒါကပြောပြလို့မရဘူးဗျ ဒါပေမဲ့တော်တော်တော့မိုက်တယ်
မယုံဘူးဆိုရင်တော့ ကိုယ်တိုင်ဘလော့လေးတခုလောက်ကို ရေးကြည့်ကြပေါ့ဗျာ
(အခုဒီပို့စ်လေးကို ဖတ်နေတဲ့သူငယ်ချင်းများကိုလဲ ကျေးဇူးအထူးတင်ရှိပါကြောင်း)

အိပ်မပျော်သောည၏အတွေးတစ

ဘ၀ဆိုတာ ဘာမှမသေချာဘူးတဲ့ ကြားဖူးတဲ့ စကားပုံတခုပါဗျာ အဲဒီမသေချာတဲ့ဘ၀ကြီးမှာ အိမ်နဲ့ခွဲပြီးအဝေးရောက်နေတဲ့ လူသားတယောက်ရဲ့ ရင်ထဲမှာလဲ တခါတလေတော့ လွမ်းချင်းလေးတွေ ဆိုချင်တယ်ဗျာ ယောက်ျားကြီးတန်မဲ့ လာနုနေတယ်လို့ပြောချင် ပြောကြပါစေဗျာ မွေးကတည်းက အတူတူနေလာတဲ့ အမေ့ရဲ့ရင်ငွေ.နဲ့ နွေးထွေးနေတဲ့ အိမ်လေးကို ဒီလိုတယောက်တည်းရှိတဲ့ ညတွေမှာ လွမ်းမိတာတော့ အမှန်ပါဗျာ

ဒါဆို မင်းကဘာဖြစ်နေလို့လဲလို့ မေးစရာရှိပါတယ်ဗျာ ဘာမှမဖြစ်ပါဘူး ဒါပေမဲ့ မနက်မိုးလင်းရင် နှိုးတဲ့ဖုန်းက နူးညံ့မှုမရှိတဲ့ သီချင်းသံခပ်ဆူဆူတချို့နဲ့ အပြုံးမရှိတဲ့လောကကြီးကို ဖြတ်သန်းရတာကြာလာတော့လဲ အထီးကျန်ဆန်လာတယ်ဗျာ

စကားမပြော ခံစားချက်မရှိတဲ့ စက်နှစ်လုံးနဲ့ဘ၀ကြီးက တခါတခါတော့ ခြောက်သွေ.လွန်းလှတယ်ဗျာ အိမ်မှာဆိုရင် တခါတလေနားညီးတယ်လို့စိတ်ထဲကပြောတဲ့ အမေ့ဂရုဏာဒေါသသံကို ပြန်ကြားချင်တယ်ဗျာ ခြောက်ကပ်ကပ်အခန်းလေးတခုမှာ ဒီစက် ဒီသီချင်း ဒီအရာဝတ္ထုတွေက တခဏတာတော့ ပျော်ရွှင်မှုပေးနိုင်ပါတယ် စက်ရုပ်ဆန်တဲ့လူသားတွေကြားမှာလူလဲ တဖြည်းဖြည်းနဲ့ စက်ရုပ်ဆန်လာပြီဗျာ

ဒီနေ့ နေသိပ်မကောင်းဘူးဗျာ မနေ့ညက အအေးနည်းနည်းမိတယ်ထင်ပါတယ် ကိုယ်ပူပြီး ခေါင်းတွေကိုက်နေတယ် ဒါနဲ့အမေပို့ထားတဲ့ ဆေးလေးနည်းနည်းသောက်ပြီး အိပ်ဖို့ကြိုးစားတာ အိပ်လို့မရဘူးဗျာ

ကိုယ်ပူရင် နဖူးကိုလာစမ်းပေးတတ်တဲ့ အဖေနဲ့အမေရဲ့ လက်လေးကိုလွမ်းတယ်ဗျာ
မနက်အစောကြီးလာနှိုးပြီး မနက်စာဘာစားမလဲ မေးတတ်တဲ့ အဖေ့အသံကိုသတိရတယ်ဗျာ

လောကကြီးကတော့တိုးတက်ပါတယ်ဗျာ နေရတာလဲကောင်းပါတယ် ဒါပေမဲ့ စိတ်ဓါတ်တွေ ခံစားချက်တွေ ဘာမှမရှိပဲနေရတာ အပြင်ပန်းဘယ်လောက် ကောင်းကောင်း အတွင်းကလှိုက်စားနေသလိုပါပဲ

တခါတလေတော့လဲ လူသားဆန်ချင်တယ်ဗျာ လမ်းထိပ် ၀က်သားဒုတ်ထိုးဆိုင်က ၀ယ်မစားလဲပြုံးပြတတ်တဲ့ အဒေါ်ကြီးအပြုံးကို ဒီနေရာမှာရှာမတွေ့နိုင်ပါဘူးဗျာ

ကြာတော့လဲစဉ်းစားမိတယ် ကိုယ့်အသက်ရှင်ရပ်တည်နေမှုကိုပါ အရာဝတ္ထုတခုအတွက် လောကမှာ နေရာတနေရာစာအတွက် သံပါတ်ပေးထားတဲ့လူတွေကြားမှာ ရပ်တည်နေရတာ ငြီးငွေ့လွန်းလှပါပြီဗျာ

သူငယ်ချင်းတယောက်ပြောသလိုပေါ့ "အဲဒီလိုမနေချင်ရင် မင်းဘ၀နေ့စဉ်အလုပ်တွေကို တပါတ်လောက်ရပ်ထားကြည့်လိုက်လေ "တဲ့ သူပြောတာလဲ ဟုတ်ပါတယ် ကိုယ့်မသိစိတ်ကိုက သံပါတ်ပေးထားတဲ့စိတ်ကြီးဖြစ်နေပြီ အချိန်တန်ရင်သူ့ဟာသူကို လုပ်နေတတ်ပြီ

တခုပဲစဉ်းစားပြီးစိတ်ပူလိုက်မိတယ် ငါ့မျက်နှာ ငါ့အပြုံး ငါ့လှုပ်ရှားမှုတွေဟာ ငါမသိလိုက်ချိန်မှာ သံပါတ်ပေးထားတဲ့ စက်တခုဖြစ်နေပြီလား ဆိုတာကိုပါပဲဗျာ

Somebody's me

Low

ဒီသီချင်းလေးကတော့ စလုံးကသူငယ်ချင်းတွေ သိပြီးသားဖြစ်မှာပါ ဟဲဟဲ ဆက်မပြောတော့ဘူးနော်

၂၁ ရာစုနှောင်းပိုင်းရည်းစားစကားပြောနည်း

ချစ်သူ...
မင်းရဲ့ အလှဆုံးအချိန်ဟာ...ညနေခင်းဆိုရင်
အဲ့ဒီအချိန်မှာ ငါအိပ်နေချင်တယ်...။

ချစ်သူ...
မင်းရဲ့ အသံလေးတွေက... အချိုသာဆုံးဆိုရင်
မင်းစကားပြောတဲ့အခါ မင်းနဲ့အဝေးမှာ နေချင်တယ်...။

ချစ်သူ...
မင်းရဲ့ မျက်ဝန်းလေးတွေဟာ... အတောက်ပဆုံးဆိုရင်
မင်းကိုတွေ့တဲ့အခါ မျက်လွှာချပြီးနေချင်တယ်...။

ချစ်သူ...
မင်းရဲ့ ရနံ့လေးတွေဟာ.......မွှေးပျံ့ဆုံးဆိုရင်
မင်းအနားရောက်တဲ့အခါ ငါ နှာစေးချင်တယ်...။

ချစ်သူ...
မင်းရဲ့ ခြေလှမ်းတိုင်းဟာ... အညင်သာဆုံးဆိုရင်
မင်းလျှောက်တတ်တဲ့လမ်းကို ငါဘယ်တော့မှ မလာချင်ဘူး...။

အဲဒါတွေ ဘာကြောင့်လဲဆိုတော့
မင်းနဲ့ ပတ်သတ်တဲ့ အရာအားလုံးဟာ ငါ့ကို ရူးသွပ်စေလို့ပဲ...။

ဒါပေမယ့် ငါရူးသွားခဲ့တယ်...
ငါ နင့်ကို ချစ်သွားမိခဲ့တယ်လေ...။
အဲ့ဒီအတွက် ရလဒ်ကို ငါမလိုချင်ဘူး.

အချစ်ဟာ ရယူချင်းလား...........?
ပေးဆပ်ချင်းလားတဲ့................?
လူတိုင်းက မေးကြတယ်...။
ငါကတော့ နင့်ကို အဲ့ဒီနှစ်ခုရဲ့ ကြားက ဗလာနယ်မှာ ထားချင်တယ်.....

ချစ်သူဆိုတဲ့ စကားလုံးအောက်မှာ
ငါ့ကိုယ်ငါ မချုပ်နှောင်ချင်သလို
နင့်ကိုလည်း ငါမချုပ်နှောင်ချင်ဘူး...။

နင့်ရဲ့ အဖြေ ဘယ်လိုနေမှန်းမသိပေမယ့်
ငါကတော့ စိတ်ကူးနဲ့ ရူးနေပြီ.....
အဲ့ဒါကြောင့် ပြောတာ
နင်နဲ့ မပတ်သက်ချင်ပါဘူးလို့....။

(မပြောဖြစ်ခဲ့တဲ့ရင်ထဲကစကားတချို့ပါဗျာ)

ကျောင်းပိတ်ချိန်

ကျောင်းပိတ်တော့မည်
တိတ်တိတ်ကလေး၊ အပြေးမဟုတ်
လက်ကိုရုတ်လျှက်၊ သူနှုတ်ဆက်ပြီ
သစ်ပုတ်ပင်အို၊ ကံ့ကော်ပျိုနှင့်
ရေညိုအင်းလျား၊ မသွားနှင့်ဆို
တားရင်းငိုသည်၊ ငါ့ကိုတွယ်ငင်
သံယောဇဉ်နှင့်၊ သည်တွင်ငါမွေ့
သည်ငွေ့ငါလှုံ၊ သည်ဘုံငါ့နန်း
သည်လမ်းငါလျှောက်၊ ဆုံးခန်းရောက်ပြီ
တထောက်နားပြီး၊ ငါခရီးကို
ငါ့ချည်းသက်သက်၊ ခရီးဆက်အံ့
တန့်လျှက်မနေ၊ ပညာမွေဖြင့်
ငါ့ပြည်အကျိုး၊ ငါသယ်ပိုးအံ့
ရိုကျိုးစဉ်လာ၊ မြတ်ဆရာနှင့်
သီလာတက်က၊ ကျွန်းညိုမြကို
ဘ၀တစ်ကွေ့၊ ငါမမေ့ပြီ
မျက်ရည်ဝေ့၀ဲ၊ လမ်းအခွဲမှာ
ငါပဲနှုတ်ဆက်လိုက်ပါပြီ။ ။

(ကျွန်တော့်အမေ ၁၉၄၇ ခုနှစ်အင်းလျားဆောင်မှာ ကျောင်းတက်တုန်းကရေးခဲ့တဲ့ကဗျာလေးပါ။ အမေ့ဗီဇပါတယ်လို့ပြောလို့ရမယ်ထင်တယ် ကျွန်တော်လဲကဗျာအရမ်းရေးချင်တယ် ဒါပေမဲ့ကျွန်တော်ရေးတဲ့ကဗျာတွေက ဟိုရောက်လိုက်ဒီရောက်လိုက်နဲ့ ဘာကိုဆိုလိုချင်မှန်းကိုမသိတာ ဟီးဟီး)

နေ၀င်ချိန်

ဂုဏ်ဒြပ် နှင့် ပကာသန
အလွှာတွေ အထပ်ထပ်နဲ့လူ့ဘဝ..............။

ဓနနောက်ကို တကောက်ကောက်
လိုက်ကြရင်းနဲ့ အချိန်တွေကုန်မှန်းမသိ
အိမ်ပြန်ချိန်ရောက်မှ
နောင်ဘဝစာ ငါ့မှာဘာပါသလဲ....????????

တွေးရင်းမော
ဆေးလိပ်နဲ့ သောကဖြေ
ယမကာနဲ့ မျောကြချိန်
ခြေဖဝါးအောက် ငုံ့အကြည့်
ငါ့ကြမ်းပြင် မီးတရဲရဲပါလား..................

ငနဲ ၁ ကောင်ရဲ့ရူးသွပ်ခြင်းများ

တချိန်တုန်းက
မီးပျက်တဲ့ညတွေမှာ လမင်းကြီးကို ငေးကြည့်ခဲ့ဖူးတယ်။
တချိ်န်တုန်းက
မီးမှောင်မှောင်နဲ့ မိန်းကလေးအဆောင်ရှေ့မှာ ဂစ်တာတီးခဲ့ဖူးတယ်။
တချိန်တုန်းက
သီချင်းတွေ အကျယ်ကြီးအော်ဆိုပြီး ဆိုင်ကယ်စီးခဲ့ဖူးတယ်။
တချိန်တုန်းက
ရွှေမန်းရဲ့နံနက်ခင်းတွေကို ငိုက်မြည်းစွာ ကျော်ဖြတ်ခဲ့ဖူးတယ်။
တချိန်တုန်းက
ကွမ်းယာတွေစားပြီး သွားနီနီနဲ့ နေခဲ့ဖူးတယ်
တချိန်တုန်းက
...................................................

ဟာ စာမရေးတာကြာတော့ ဖီးတွေတောင် ဘယ်ရောက်ကုန်ပြီလဲမသိဘူး
လူလဲ အူကြောင်ကြောင်နဲ့ ဂေါက်နေပြီ

အရင်တုန်းကဆိုရင် သူငယ်ချင်းတွေကို လက်ဖက်ရည်တိုက်ပြီး ကဗျာဖတ်ခိုင်းလို့ရတယ်
အခုတော့ ငါတယောက်တည်း ဖီးတက်နေလိုက်မယ်
ဟာ...လုံးဝဖီးလ် ပဲကွာ

(တခါတလေတော့လဲ အရင်ကဘ၀လေးကိုပြန်လိုချင်တယ်ဗျ ညစ်ပတ်တယ်ပြောပြော ဆင်းရဲတယ်ပြောပြော နိမ့်ကျတယ်ပြောပြော ကိုယ်မွေးတဲ့နိုင်ငံကိုတော့ဘယ်တော့မှ မေ့လို့မရပါဘူးဗျာ မနက်ဆို ဆိုင်ကယ်လေးစီးပြီကျောင်းသွား သူငယ်ချင်းတွေနဲ့ လက်ဖက်ရည်ဆိုင်မှာဆုံပြီး ညကဘောပွဲအကြောင်းပြော ညင်းကြကုန်ကြနဲ့ပျော်စရာတော့ကောင်းတယ် ပြီးရင်မိန်းထဲက ကတုံးကြီးဆိုင်မှာ နှပ်ဆေးအုန်းသီးကြော် ၂၀၀ဖိုးဝယ် အတန်းသွားတက် နေ့လယ်ဆိုရှမ်းဆိုင်ပဲဖြစ်ဖြစ် ထမင်းဆိုင်၁ ဆိုင်ဆိုင်မှာ ထမင်းဝင်စား ညနေအတန်းမရှိရင် စနူကာဆိုင်ရောက် အိမ်ကပေးတဲ့မုန့်ဖိုးကိုကုန်အောင်ဆော့ ပိုက်ဆံမရှိတော့ရင် လက်ဖက်ရည်လေး ၁ ခွက်ဝယ်သောက်ပြီးအိမ်ပြန် ညနေကျ မန္တလေးတောင်ခြေကဓါတ်ဆီဆိုင်မှာ ဆီသွားထုတ် ပြီးရင်ဘော်ဒါတွေအဆောင်ဝင်ပြီး တွေ.တယ်သူ ၁ ယောက်ယောက်နဲ့ လက်ဖက်ရည်သွားသောက် ညနေ ၈ နာရီလောက်ဆိုအိမ်ပြန် စာမေးပွဲမရှိရင် စာကျက်ချင်ယောက်ဆောင်ပြီး ၀တ္ထုတွေဖတ် ၁၂ နာရီလောက်ဆိုအိပ် ဘယ်လောက်ပျော်စရာကောင်းလဲ ဘ၀လေးက ပျော်စရာလေးနော် ပြောရင်းနဲ့အခုတောင်ပြန်ချင်လာပြီ လုပ်ကြပါဦး)

လွမ်းချင်းနှင့်အတူဖြတ်သန်းနေရသောဘ၀တကွေ.

ငါ့အသက်နှစ်ဆယ် လူ့လောက၀ယ်တင့်ဖို့
တိုင်းပြည်ကိုစွန့် နယ်မြေသစ်မှာရွက်ကုန်ဖွင့်လို့နေခဲ့တယ်။

သူငယ်ချင်းတွေက မေးကြတယ်
"ငါ့ကောင် မင်းပျော်နေပြီလား" တဲ့
မဲ့ပြုံးလေးနဲ့သာ ဖြေလိုက်ရတယ်
"ပျော်ပါတယ်ကွာ"။

ဒါပေမယ့် ကိုယ့်ဝမ်းနာ ကိုယ်သာသိ
ငါ့ရင်မှာတော့ မချိပါဘူးကွာ။

ဒီမှာစားရတဲ့ထမင်း အမေနယ်ကျွေးတဲ့ပဲပြုတ်ထမင်းလောက်
ငါမမက်မောပါဘူးကွာ
Rihanna သီချင်းသံ မနက်မှာအမေ့ဘုရားရှိခိုးသံလောက်
မချိုမြိန်ပါဘူးကွာ
ဖွင့်ထားတဲ့ အဲယားကွန်း အမေခပ်ပေးနေတဲ့ယပ်တောင်လေလောက်
ငါ့ရင်ကို မအေးစေပါဘူးကွာ
နယ်မြေသစ်မှာနေသားကျပေမဲ့ ၁၈နှစ်တာနေခဲ့တဲ့
အမေ့အိမ်လောက်တော့ စိတ်ထဲမှာမလုံခြုံဘူး။

ညဘက်ဆို စိတ်ကူးနဲ့ရူးပြီး အိမ်ပြန်ရတာလဲ
အကြိမ်ပေါင်းတသောင်းမကတော့ဘူး
ဒီတခေါက်အခြေနေပေးရင်တော့ အမေ့ရင်ခွင်ရိပ်မှာ
တရေးလောက်တော့ အိပ်စက်ခွင့်ရချင်သေးတယ်။

အိမ်လွမ်းလို့ဆိုတဲ့ သီချင်းသံများရယ်
ကျေးဇူးပြုပြီး ငါ့ရှေ့မှာ မဆိုပါနဲ့တော့လားကွယ်။

၁၃.၈.၂၀၀၈ မနက် ၃နာရီ ၂၂မိနစ်
(ကျွန်တော့်အိမ်ကို လွမ်းလို့ အိပ်မရတာနဲ့ ထရေးလိုက်တဲ့ကဗျာလေးပါဗျာ)

ချစ်သူ့အဖြေ

မနက်အိပ်ရာထမုန်.စားသွားဖို.ပြင်
ရူးကြောင်တဲ့အတွေးနဲ.လမ်းတခွင်ငါငေးနေတုန်း
ဖူးရောင်တဲ့သူ.မျက်နှာ(အိပ်ပုတ်ကြီးသဖြင့်)
ဖြတ်ခနဲလှမ်းမြင်
ငမ်းငမ်းတက်ငါ့အချစ်က
ဝုန်းကနဲနိုးထလိုက်တော့
ဖတ်ကနဲကြွငါ့ခြေက
သူမဆီအရောက်သွား
ချစ်စကားပါးလေတော့
ဖြန်းကနဲနေတဲ့သူ.အဖြေမှာ
ငါ့ပါးနှစ်ဖက်နီလေတော့သည်..။။

(အဲဒီလိုဖြစ်ရင်ဘယ်လိုလုပ်မလဲ မနက်စောစော ပါးနီနီကြီးနဲ့ ဟီးဟီး )

သိပ်ကောင်းတဲ့သီချင်းလေးတွေပါ

သီချင်းနာမည်က "Here without you" တဲ့ အရမ်းမိုက်တယ်



ဒီသီချင်းလဲမိုက်တယ် ကျွန်တော် ညအ်ိပ်ရာဝင်တိုင်းနားထောင်တဲ့သီချင်းလေး
"Hey there delilah"

ဆက်ရန်ရှိသည်

ငါ့မှာအလွမ်းတွေဝေနေလို့
နင့်ဆီက အနမ်းတွေကို မမျှော်လင့်ခဲ့မိပါဘူး....။။

နင့်အတွက် ငါဟာ တခန်းရပ်ပြဇာတ်တပုဒ်ဖြစ်နိင်ပေမယ့်
ငါ့အတွက်တော့ နင်ဟာ တရုတ်သိုင်းကားလို
ဇာတ်လမ်းတွဲ တစ်ခုပါပဲ...
ဘယ်အချိန်ဇာတ်သိမ်းမလဲလို့ မျှော်တလင့်လင့်နဲ့
စောင့်စားနေတဲ့ ငါ့ကို မီးတော့ဖြတ်မပြစ်လိုက်ပါနဲ့ဟာ...။

နင့်ဆီက ဘာမှမမျှော်လင့်ခဲ့ပေမယ့်
နင်ကတော့ ငါ့ရဲ့အတွင်းအားတွေ အကုန်လုံးကို
ယူသွားခဲ့တယ်လေ......။

ငါ့မှာအမောဖေါက်လို့ သောကရောက်ချိန်မှာ
နင်က ဟောတစ်ရောက် ဟောတစ်ရောက် တွဲခဲ့တယ်လေ...
ငါ့ရင်တွေ ပူခဲ့ပေမယ့်
နင်တစ်ခါကြူလိုက်ရင် ပျောက်သွားပြန်တယ်..။

နင့်ရဲ့မလိမ့်တပတ်လုပ်ရပ်ကြောင့်
ငါ့ဦးနှောက်လည်း လိပ်ပတ်မလည်တော့ဘူး.......။

နောက်ဆုံး
နင်ပေးခဲ့တဲ့ဒဏ်ရာတွေကြောင့်
ငါ့ပခုံးမှာ အမာရွတ်တက်တော့မှ...
ငါ့ကိုယ်ငါ သိလိုက်တော့တယ်.....။

ဘာမှန်းမသိတဲ့ ကဗျာတွေရေးပြီး
ဘ၀ရဲ့နေရက်တွေ ဘယ်လိုကုန်းသွားမှန်း
မသိလိုက်ချိန်လိုက်မှာ ဘာဆက်ရေးရမှန်းမသိလို့
ဆက်ရန်ရှိသည်ပေါ့......။။။။

စပ်မိစပ်ရာ

အခုကျွန်တော်ဆော့နေတဲ့ဂိမ်းထဲက ဗီဒီယိုလေးပါ ရေးစရာအကြောင်းအရာမရှိတာနဲ့ ဒါလေးပဲတင်ပေးလိုက်ပါတယ် ဂိမ်းက 9Dragons ပါ ပျင်းလို့ဂိမ်းဆော့ချင်တယ်ဆိုရင်တော့ စမ်းဆော့ကြည့်ပေါ့ ကျွန်တော်ကတော့ကြိုက်တယ် အလွန်အကျွံမဖြစ်ရင်ကောင်းပါတယ် တဒင်္ဂစိတ်ပျော်ရွှင်မှုလေးတော့ ပေးနိုင်တာပေါ့ ဒီဂိမ်းနဲ့ပတ်သက်ပြီးမေးမြန်းစရာရှိရင်တော့ မေးနိုင်ပါတယ် professional gamer တော့မဟုတ်ပါဘူး နည်းနည်းပါးပါးတော့ပြောပြနိုင်တာပေါ့ အသေးစိတ်သိချင်ရင်တော့ http://www.9dragons.acclaim.com မှာသွားကြည့်နိုင်ပါတယ်

မြန်မာ့ဂုဏ်ဆောင် TEVA NATIONAL BEACH SOCCER CHAMPION 2008 မြန်မာအသင်း

ကျွန်တော်တို့ရဲ့မြန်မာဆိုတာရာဇ၀င်သမိုင်းကြောင်းအခိုင်အမာနဲ့နေထိုင်လာတဲ့လူမျိုးပါ မြန်မာ့ယဉ်ကျေးမှု မြန်မာ့အနုပညာ မြန်မာ့အားကစား ဆိုတာကမ္ဘာပေါ်မှာရှိတဲ့လူမျိုးများရဲ့အလယ်မှာဂုဏ်ယူဝင့်ကြွားစွာနေလာခဲ့တာ ယနေ့ထိတိုင်ပါပဲ မြန်မာ့ယဉ်ကျေးမှုမှာပုံဂံကဘုရားစေတီတွေဟာဆိုရင်လည်း အခုထိကမ္ဘာ့အံ့ဖွယ်များထဲမှာအထင်အရှားရပ်တည်နေဆဲပါ မြန်မာ့အားကစားမှာဆိုရင်လဲ တချိန်တုန်းက ဗဟာဒူးတို့ဦးဆောင်တဲ့မြန်မာဘောလုံးအသင်းဟာ အာရှနိုင်ငံတွေဖိန့်ဖိန့်တုန်အောင်ကြောက်ခဲ့ရတဲ့အသင်းပါ အာရှတိုက်မှာရှိတဲ့ဖလားတွေဟာ မြန်မာတွေအတွက်ပဲ လို့တောင်ပြောစမှတ်ပြုခဲ့ရပါတယ် ယနေ့ခေတ်မှာလဲ မြန်မာလူမျိုးအသိပညာရှင် အတတ်ပညာရှင်တွေဟာ နိုင်ငံတကာနယ်ပယ်မှာအောင်မြင်မှုတွေရယူနေဆဲပါ ဒီထဲကစင်ကာပူနိုင်ငံကဘောလုံးလောကမှာ အမြဲတန်းအောင်ပန်းတွေကိုရယူနေတဲ့ အသင်းတသင်းအကြောင်းကိုပြောလိုပါတယ် ၂၀၀၈ ခုနှစ် စက်တင်ဘာလမှာ စင်ကာပူနိုင်ငံ Sentosa ကမ်းခြေမှာ အသက် ၂၄ နှစ်အောက် TEVA NATIONAL BEACH SOCCER CHAMPIONSHIP 2008 ကိုကျင်းပခဲ့ပါတယ် ပါဝင်ယှဉ်ပြိုင်ခဲ့တဲ့အသင်းတွေကတော့ မလေးရှားအသင်း စင်ကာပူအသင်း အင်ဒိုနီးရှားအသင်း အိန္ဒိယအသင်း မြန်မာအသင်း စုစုပေါင်းအသင်း ၁၀ သင်းခန့်ပါဝင်ယှဉ်ပြိုင်ခဲ့ပါတယ် လူမျိုးပေါင်းစုံပါဝင်ယှဉ်ပြိုင်သည်နှင့်အမျှ မိမိအသင်းဂုဏ်သိက္ခာ နိုင်ငံဂုဏ်သိက္ခာတက်ဖို့အပြင် မျိုးချစ်စိတ်ဓါတ်အပြည့်နဲ့ ပါဝင်ယှဉ်ပြိုင်ကြခဲ့တဲ့အတွက် ပြိုင်ပွဲကြီးဟာ အကြိတ်အနယ်ရှိခဲ့ပါတယ်
မနက် ၉ နာရီခန့်မှာပြိုင်ပွဲဖွင့်ပွဲကိုကျင်းပပြီး ယှဉ်ပြိုင်ခဲ့ကြပါတယ် လူမျိုးပေါင်းစုံက မိမိအသင်းအတွက်လာရောက်အားပေးခဲ့ကြတဲ့အတွက်ပြိုင်ပွဲကြီးဟာစည်ကားခဲ့ပါတယ် အဲဒီထဲမှာ လက်ခုပ်သံတဖြောင်းဖြောင်းနဲ့ပရိသတ်အားပေးမှုကို အများဆုံးရရှိခဲ့တာကတော့ ကျွန်တော်တို့ရဲ့မြန်မာအသင်း ပဲဖြစ်ပါတယ် လူမျိုးပေါင်းစုံနဲ့ယှဉ်ပြိုင်ရတဲ့အတွက် အခက်အခဲများစွာရှိခဲ့ပါတယ် ညနေ ၆ နာရီမှာပိတ်ပွဲကျင်းပပြီး ချန်ပီယံဖလားကိုချီးမြှင့်တဲ့အခါ မြန်မာအသင်းဟာ ပေးဂိုးမရှိ ရှုံးပွဲမရှိနဲ့ ချန်ပီယံဖလားကြီးကိုထိုက်ထိုက်တန်တန်ရရှိသွားခဲ့ပါတယ် လူမျိုးပေါင်းစုံနဲ့ယှဉ်ပြိုင်ရတဲ့အခါမှာ ပေးဂိုးမရှိဖို့ဆိုတာမလွယ်လှပါဘူး ကမ္ဘာ့ဖလားဘောလုံးပြိုင်ပွဲကြီးမှာတောင် ပေးဂိုးမရှိတဲ့ချန်ပီယံအသင်းဆိုတာ မကြားခဲ့ဘူးပါဘူး ယခုမြန်မာအသင်းဟာ မယုံနိုင်လောက်တဲ့ခြေစွမ်းနဲ့ ပေးဂိုးမရှိချန်ပီယံဖြစ်သွားခဲ့တယ်ဆိုတာ စင်ကာပူလူမျိုးတွေတောင် အိမ်မက်ပမာအံ့သြမှုဖြစ်ခဲ့ရပါတယ် လူမျိုးဂုဏ်ကိုထိန်းသိမ်းနေတဲ့ TEVA NATIONAL BEACH SOCCER CHAMPION 2008 မြန်မာအသင်းအကြောင်းကို ကျွန်တော်ဘာဘူကြီးက လေးစားစွာဂုဏ်ပြုရေးသားလိုက်ပါတယ်
်
TEVA NATIONAL BEACH SOCCER CHAMPION CUP


မြန်မာ့ဂုဏ်ဆောင် TEVA NATIONAL BEACH SOCCER CHAMPION 2008 မြန်မာအသင်း

ရှေ့တန်း(၀ဲမှညာ) ကျော်မင်းဆွေ၊ဇေယျာမင်း
နောက်တန်း(၀ဲမှညာ)လွင်ဇာနည်မောင်၊Steven(ဂိုး)၊မွန်း

Your Guardian Angel

ကိုယ့်ချစ်သူကိုဘယ်လောက်ချစ်လဲ

In Between

အချစ်သီအိုရီများ

ဒီနေ့တော့ ကျွန်တော်ရဲ့အချစ်သီအိုရီလေးတွေ တင်ပေးလိုက်ပါတယ်
စကားလုံးအသုံးအနှုန်းနည်းနည်းရိုင်းသွားရင်တော့တောင်းပန်ပါတယ်
စာဖတ်သူတို့မျက်လုံးထဲမှာကွက်ကွက်ကွင်းကွင်းပေါ်အောင်ရေးလိုက်သဖြင့် နည်းနည်းရိုင်းသွားရင်လဲခွင့်လွှတ်ပါ
ဒါလေးကိုဖတ်ပြီးရင်တော့ ကိုယ့်ပတ်ဝန်းကျင်က အချစ်ရူးရူးနေတဲ့လူတွေရဲ့ အချစ်ကို ဘယ်လိုအချစ်မျိုးလဲလို့ စဉ်းစားကြည့်ပေါ့
ကိုယ်တိုင်လဲတစုံတယောက်ကိုချစ်နေတယ်ဆိုရင် ကိုယ့်ကိုကိုယ်သုံးသပ်ကြည့်ပေါ့ "ငါကသူ့ကိုဘယ်လိုအချစ်မျိုးနဲ့ချစ်နေတယ်" ဆိုတာကိုပေါ့
ကျွန်တော်ရေးထားတဲ့အချစ်တွေထဲက တခုခုနဲ့တူနေတယ်ဆိုရင်တော့ မပြုံးလိုက်ပါနဲ့


နွားအချစ်
သူချစ်တာ မချစ်တာမသိဘူး ကိုယ့်ဘက်ကချစ်နေရရင်ပြီးရောပဲ ကိုယ့်ချစ်သူက နောက်တယောက်နဲ့တွဲသွားတွဲလာလုပ်ပြီး စကားလက်ဆုံကျနေရင်လည်းမကြိုက်ဘူး မသွားပါနဲ့လို့လဲမပြောရဲဘူး ဒါပေမဲ့ကိုယ့်ချစ်သူကိုယ်ဆီပြန်ရောက်လာရင် အဲဒါတွေအကုန်ပျောက်ပြီး အစစအရာရာ ခွင့်လွှတ်သည်းခံ အနစ်နာခံပြီး"တို့အချစ်ကပေးဆပ်ခြင်းပါ" လို့ပြောပြီးအချစ်ကြီးချစ်တတ်တယ် (နွားဘ၀ကိုကျေနပ်စွာလက်ခံတတ်သောအချစ်)

သူတောင်းစားအချစ်
သူ့အချစ်ကိုရဖို့ဆိုရင် နေပူထဲမှာပဲရပ်စောင့်ရစောင့်ရ မိုးရွာထဲမှာပဲစောင့်ရစောင့်ရ ကိုယ့်ကိုတွေ.ရင် သူမျက်နှာက လငပုတ်ဖမ်းသလိုမျိုးဖြစ်သွားတတ်ပေမဲ့ သူ့မျက်နှာလေးမြင်ရရင်ကိုသေပျော်ပါပြီဆိုတဲ့အချစ်မျိုး သူ့ကိုတွေ.ရမယ်ဆိုရင် ထမင်းမစားဟင်းမစား သူ့ကျောင်းဆင်းချိန်လေးကိုသွားစောင့်ကြည့်တတ်တဲ့အချစ်မျိုး

တဏာရူးအချစ်
အချစ်ဆိုတာထက် သူ.၀တ်ပုံစားပုံ ကိုယ်လုံးကိုယ်ပေါက်အချိုးအစားကိုကြိုက်သဖြင့်ချစ်သောအချစ်မျိုး သူလမ်းလျှောက်သွားတာကိုလိုက်ကြည့်ရင်း စွဲလမ်းသွားသောအချစ်မျိုး(အလွန်ဆိုးသောအချစ် နှာဘူးချစ်)

ဂုဏ်ဓနအချစ်
သူ့ကိုချစ်သည်ဆိုတာထက် သူ့မိဘအသိုင်းအ၀ိုင်း မိဘပိုင်ဆိုင်မှုကိုကြည့်ပြီး သူ့ကိုချစ်ဟန်ဆောင်သောအချစ်မျိုး လောဘမာန်တက်နေသောမျက်လုံးများဖြင့်ချစ်သောအချစ်

အခြောက်အချစ်
ချစ်တာကတော့အလွန်ချစ်သည် သို.သော် သူကိုတွေ.လျှင်ခြေဖျားလက်ဖျားများအေးစက်ကာ ခြေမကိုင်မိလက်မကိုင်မိဖြစ်ပြီး ပေါက်တတ်ကရလျှောက်လုပ်တတ်သောလူများဧ။်အချစ် သူနှင့်တွေလျှင်ဘာမှမပြောရဲပဲ ကိုယ့်အိမ် ကိုယ့်အခန်းပြန်ရောက်မှ စောင်ခေါင်းမြှီးခြုံပြီး "အရမ်းချစ်တာပဲကွာ" ဟုအော်တတ်သောသူများဧ။်အချစ် (ယောင်္ကျားသတ္တိမရှိခြင်း အခြောက်ဆန်စွာချစ်ခြင်း)

စိတ်ကူးယဉ်ဂေါက်ကြောင်အချစ်
ဘယ်သူကိုမှရေရေရာရာလဲမချစ် ချစ်သူလဲမရှိ တယောက်ထဲကဗျာတွေရေး စိတ်ကူးတွေယဉ်ပြီး စိတ်ကူးထဲကကောင်မလေးကိုပုံဖေါ်ပြီး ဂေါက်ကြောင်ကြောင်နှင့်နေတတ်သောလူများဧ။်အချစ် ဘယ်မိန်းကလေးကိုမှကောင်းကောင်းမွန်မွန်စိတ်မ၀င်စား ရည်းစားမလိုချင်လို့လဲမဟုတ် စိတ်ကူးယဉ်ပြီးသာချစ်နေတတ်သောလူများဧ။်အချစ် လက်တွေ.အကောင်အထည်မဖေါ်သောအချစ်

နွားကိုကိုဧ။်ဂန္တ၀င်မြောက်တမ်းချင်း

မာနတွေသိက္ခာတွေရဲ့နောက်မှာ
နင်ကိုအရမ်းချစ်တဲ့နှလုံးသား
ရှိတယ်ဆိုတာ
ငါ့ကိုယ်ငါသိရက်နဲ့ညာနေခဲ့တယ်
မိန်းမတွေကိုအမြဲတမ်းခပ်ထန်ထန်ဆက်ဆံခဲ့ပေမဲ့
နင့် ၁ ယောက်ကိုတော့ငါချစ်တဲ့တာ
အမှန်ပါ
ငါ့အချစ်တွေကိုမသိမ်းဆည်းနိုင်တော့လို့
ဖွင့်ပြောမိတဲ့တနေ့ဟာ
နေ၀င်ချိန်ရောက်နေပြီဆိုတာ
ငါမသိခဲ့ဘူးလေ
တခြား ၁ ယောက်ကိုပေးထားပြီးဖြစ်တဲ့
နင့်အချစ်တွေကိုတမ်းတရင်း
ကျောခိုင်းခဲ့ရတဲ့
ငါ့အပြန်လမ်းမှာ နင့်မျက်နှာလေးနဲ့
နင့်အပြုံးတွေစိုးမိုးနေခဲ့တယ်ဆိုတာကိုတော့
နင်သိခဲ့မယ်မထင်ပါဘူး
နင့်ချစ်သူကိုရွှမ်းလဲ့စွာကြည့်တဲ့အကြည့်တွေ
ငါဘယ်တော့မှမရနိုင်တော့ပါဘူးဟာ
အချစ်ဟာတချို့အတွက် တခဏတာလို့
ဆိုပေမဲ့
ငါ့အတွက်တော့ တဘ၀စာအမှတ်တရပါပဲ
တချိန်ကပျော်စရာအချိန်လေးတွေက
အခုထိငါ့အတွေးတွေကို
ကြီးစိုးနေဆဲပါပဲ
စကားပြောမကောင်းတဲ့ငါကပဲမှားတာလား
စိတ်ကူးတွေနဲ့ပျော်မြူးတတ်တဲ့နင်ကပဲ
မှန်ခဲ့တာလား
ဘ၀ကိုလက်တွေ.ကျကျပြောပြီး
လမင်းကိုနင့်အတွက်မယူပေးနိုင်ဘူးလို့
ပြောမိတာငါ့အမှားလား

ပြန်မရနိုင်တော့တဲ့နင့်အကြင်နာတွေကို
တမ်းတရင်းအိပ်စက်ခဲ့ရတဲ့
ငါ့အထီးကျန်ညတွေမှာ
နင့်အပြုံးတွေဟာ တရံတခါစိုးမိုးနေဆဲပါဟာ

ရင်ထဲကကဗျာလေး ၁ ပုဒ်

တစ်နေ့တစ်နေ့၊ ရွေ့ရွေ့ကုန်ပြန်
မနက်ဖြန်ပေါ့၊ ပြောတော့ပြောမည်၊
စိတ်ကြံရည်လျက်၊ နှုတ်ကခက်တော့၊
အိပ်မက်တွေပဲ ကျန်တယ်လေ။

ဆရာမောင်စိန်ဝင်း(ပုတီးကုန်း)ရဲ့ကဗျာလေးပါ
ကျွန်တော်အရမ်းကြိုက်လို့တင်ပေးလိုက်ပါတယ်
အစ်ကိုတယောက်ဆီကရတာပါ
ကဗျာနာမည်ကမေ့နေပါပြီ
သိတဲ့သူရှိရင်ကျေးဇူးပြုပြီးပြောပေးပါ

အရက် နှင့် အချစ်

အချစ်သည် အရက်နှင့်တူလေသတည်း
အရက်သည် နည်းနည်းသောက်က စကားပြောကောင်းသည် အလိုလိုပျော်လာသည်
များများသောက်က မူးပြီးမှောက်ကာ အံတတ်လေသည်

အရက်သောက်က စည်းစိမ်လေးမျိုးရသကဲ့သို့ အချစ်ကြောင့်လည်း စည်းစိမ်လေးမျိုးရစေနိုင်ပါသည်

အစပထမတွင်
ဇရက်မင်းစည်းစိမ်ကိုရ၏
အရက်သမားတို့မူးကာစတွင် စကားပြောကောင်း၏ များများပြော၏
အချစ်သမားတို့ချစ်ကာစတွင် ချစ်သူနှင့်တွတ်တီးတွတ်တာ စကားများပြော၏ များများပြော၏

ဒုတိယတွင်ကား
ဝက်မင်းစည်းစိမ်ကိုရ၏
ဒုတိယ ၀က်မင်းစည်းစိမ်ကား အရက်သမားတို့အရှိန်ရလာချိန်တွင် အမြည်းကုန်ချိန်နှင့်တိုက်ဆိုင်တတ်ပါသည်
ထို့ကြောင့် ရသမျှသောအမြည်းကို ကောင်းသည်ဆိုးသည်ကို ကောင်းစွာခွဲခြားခြင်းမပြုနိုင်သည်ကများလေ၏
ရသမျှမြည်းလေ၏
ထို့အတူ အချစ်သမားတို့အရှိန်ရလာချိန်တွင် ချစ်သူပြောသမျှ ကောင်းသည်ဆိုးသည်မခွဲခြားနိုင်ပဲ လက်ခံသည်ကများလေသည်
ချဉ်ချဉ်တူးတူး မူးရင်ပြီးရောဆိုသကဲ့သို့ ချစ်သူ၏ ချို့ယွင်းချက်များကို မမြင်နိုင်တော့ပဲ အနားတွင်ကပ်နေဖို့သာကြိုးစားကြ၏

တတိယကား
ခွေးမင်းစည်းစိမ်တည်း
အရက်သမားတို့၏ climax ဟုခေါ်ဆိုနိုင်သောအပိုင်းလည်းဖြစ်၏
မူးပြီးသောသူတို့ လမ်းတကာလျှောက်လည်ကာ ပုဆိုးကွင်းသိုင်းလျှက် သီဆို ကခုန် ပျော်မြူးခြင်းကို ရောက်သကဲ့သို့
ချစ်ပြီးသောသူတို့လည်း ချစ်သူလက်ကိုတွဲလျှက် လမ်းတကာလျှောက်ချင်သော၊ မဏ္ဍပ်တိုင်တက်ချင်သော မြူးထူးသော အဖြစ်တို့ ရောက်ကုန်၏

နောက်ဆုံးကား
နဂါးမင်းစည်းစိမ်ဖြစ်၏
မူးခြင်း၏ ပြည့်စုံမှုသို့ရောက်သောအခါ အိပ်မောခြင်းသို့ရောက်၏
ချစ်ခြင်း၏ ပြည့်စုံသောအခါ အိပ်မောခြင်းသို့ရောက်၏
တနည်းကား အိပ်စက်ခြင်းသို့ရောက်၏

ဤသည်ကား အရက်နှင့်အချစ်ဧ။်ဂုဏ်သတ္တိများဖြစ်ပေသတည်း

(အချစ်ဒဿနများကို စိတ်ရှည်စွာပြောပြသော ရုရှားရောက်နောင်တော်ကြီးကို ကျေးဇူးအထူးတင်ရှိပါသည်။)

အမှတ်တရစလုံးည

ဒီနေ့ကတော့စလုံးကိုရောက်တာအမှတ်တရအဖြစ်ဆုံးည ၁ ညပါ
ဖြစ်ရတဲ့အကြောင်းကဒီလိုဗျ ဒီနေ့ သူငယ်ချင်းတွေ Ultimate Futsal League သွားကန်တာ အဲဒါလိုက်အားပေးတာပေါ့ဗျာ ကန်တဲ့နေရာက Kalang မှာတဲ့ ကန်မှာက ည ၈ ခွဲ အဲဒါနဲ့ Kalang MRT ဘူတာရုံကို ညနေ ၇ ခွဲလောက်ရောက်သွားကြတာပေါ့ဗျာ ဘူတာရုံကိုတော့ရောက်ပါပြီ ကန်မယ့်ကွင်းနေရာကိုဘယ်သူမှမသိကြဘူးဗျ ဟီးဟီး ဒါနဲ့နေရာသိတဲ့ အသင်းခေါင်းဆောင်ခန့်ချောကြီးဆီ ဖုန်းတွေဘာတွေဆက် နေရာမေးကြပေါ့ဗျာ သူက ဘတ်စ်ကား နံပါတ် ၁၁ ကို ၄ မှတ်တိုင်လောက်စီးရင်ရောက်ပြီတဲ့ ဒါနဲ့ နံပါတ် ၁၁ လိုက်ရှာကြတာပေါ့ဗျာ နာရီဝက်လောက်သာကြာသွားတယ် ဘတ်စ်ကား နံပါတ် ၁၁ ကရှာမတွေ့ဘူးဗျ အဲဒီနားမှာရှိတဲ့ကားဂိတ်တွေလဲ စုံနေပြီ လူလဲတော်တော်ညောင်းသွားပြီ မညောင်းရှိရောလားဗျာ Kalang ဆိုတာ ကျွန်တော်နေတဲ့နေရာနဲ့က ဘူတာ ၂၀ လောက်စီးရတယ်ဗျ ပြီးတော့သွားတဲ့အချိန်ကရုံးဆင်းချိန် ဘူတာ ၂၀ လောက်မတ်တပ်ရပ်စီး ပြီးတော့ကျွန်တော့်မှာနောက်တဒုက္ခရှိသေးတယ် ဒီနေ့ကျောင်းမှာစာလုပ်မယ်ဆိုပြီး သူငယ်ချင်းကိုတော်ချောက စာအုပ်တွေရော laptop ရောယူခဲ့တဲ့ဗျာ နည်းတဲ့ဝိတ်မှမဟုတ်တာ အကုန်ယူခဲ့ဆိုတော့ ယူလာခဲ့ရတယ်ဗျာ အဲဒီကျောပိုးအိတ်ကြီးကိုထမ်းပြီး ၄၅ မိနစ်လောက်လမ်းလျှောက်ရတော့ လူလဲတော်တော်အီနေပြီဗျ နောက်ဆုံးဘတ်စ်ကားရှာမတွေတော့ taxi နဲ့ပဲသွားမယ်လို့ ဆုံးဖြတ်လိုက်ကြတယ်ဗျာ အဲဒီနားမှာ taxi ကလဲဘယ်လိုဖြစ်တာမှန်းမသိပါဘူးဗျာ တော်တော်နဲ့ငှားမရဘူး နောက်ဆုံးတော့ ကံကောင်းထောက်မစွာနဲ့ရတယ် ဒါနဲ့သွားကြမယ်ပေါ့ ကားပေါ်တက်ကြပြီးကားစထွက်တော့ ပြဿနာကစတော့တာပဲ ကားကမှန်အလုံပိတ်ပြီးအဲယားကွန်းဖွင့်ထားတော့ အနံ့ဆိုးဆိုးတခုထွက်လာတယ်ဗျာ အနံ့ဆိုးဆိုးဆိုတာ တော်တော်ကိုဆိုးတာဗျာ အစတော့သိပ်မသိသာဘူး ကြာလေနံလာလေပဲ စဉ်းစားကြည့်တော့ လေးဖက်သွားသတ္တ၀ါရဲ့မစင်နံ့ဗျာ တော်တော်ကိုဆိုးတာဗျာ ဒါနဲ့ဘေးက သူငယ်ချင်းကိုကြည့်တော့ "ငါညနေကမှရည်းစားဆီကပြန်လာတာနဲ့ အနံ့ဆိုလို့ ရေမွှေး ၁ ပုလင်းတောင်ကုန်တယ်" တဲ့ ဟိုဘက်ကယိုးဒယားသူငယ်ချင်းကလဲ သူမဟုတ်သလိုခပ်တည်တည်ပဲ ဒါနဲ့ကိုယ့်ကိုကိုယ့်ပြန်ဆန်းစစ်ကြည့်တယ် ငါတော့မဖြစ်နိုင်ပါဘူးပေါ့ ဘာဖြစ်စရာရှိမှာတုန်း အပြင်မထွက်ခင်ကို ရေကိုသေသေချာချာချိုးလာတာလေ ကြာတော့မခံနိုင်တော့ဘူးဗျာ ကြာလေနံလေပဲ တခါးတွေဖွင့်ပြီးမြန်မြန်ရောက်ပါစေပဲ ဆုတောင်းရတော့တာပေါ့ တော်သေးတာပေါ့ ၁၀ မိနစ်လောက်ပဲစီးရတဲ့ခရီးမို့လို့ ၁ နာရီလောက်သာဆိုရင်မလွယ်ဘူး ဒါနဲ့အဲဒီအနံ့လေးတသင်းသင်းနဲ့ရောက်သွားကြတယ်ပေါ့ဗျာ ကန်မယ့်ကွင်းရောက်မှ ငါဖြစ်နိုင်မလားမသိဘူးဆိုပြီးဖိနပ်ပြန်ကြည့်တော့ သေချာတာပေါ့ဗျာ ကျေးဇူးရှင်လေးရဲ့ဟိုဟာတွေက ဖိနပ် ၂ ဖက်လုံးမှာပွစာတွေကိုတက်လို့ ဒါနဲ့အိမ်သာရှာပြီးရေမြန်မြန်ဆေးလိုက်ရတယ် တော်ကြာကွင်းထဲမ၀င်ရဘူးဆို ဒုက္ခရောက်ဦးမှာ ဟီးဟီး ဘာဘူကြီးရဲ့ ပထမဆုံးလေးဘက်သွားသတ္တ၀ါရဲ့ဟိုဟာတွေနင်းမိခြင်းပေါ့ဗျာ သွားရတာဝေးပေမဲ့သွားရကြိုးတော့နပ်ပါတယ် ကျွန်တော်တို့မြန်မာတွေ(United 2008) ရဲ့ထုံးစံပေါ့ဗျာ ပထမပွဲစဉ်မှာ ၇-၂ ဒုတိယပွဲစဉ်မှာ ၄-၂ နဲ့ဂိုးပြတ်နိုင်ခဲ့ပါတယ် သွားတည်းကနိုင်မယ်ဆိုတာ သိပြီးသားပါ ဒါပေမဲ့သူငယ်ချင်းတွေကိုအားပေးရင်း အောင်ပွဲရဲ့ရသကိုလဲ ခံစားချင်လိုသွားခဲ့တာပါ ဂိုးပြတ်နဲ့နိုင်တယ်ဆိုလို့ တွေ.ကရာလူတွေနဲ့ဝင်ပြိုင်ပြီးနိုင်ခဲ့တာမဟုတ်ဘူးနော် ၀င်ကြေးက ၁ သင်းကို S$ 1800 ဒီဝင်ကြေးက တော်ရုံလူတွေဝင်ပြိုင်နိုင်လောက်တဲ့ဝင်ကြေးတော့မဟုတ်ပါဘူး ဒါဆိုရင် United 2008 က အညတရအသင်းတွေကိုဂိုးပြတ်နိုင်ခဲ့တာမဟုတ်ပါဘူးဆိုတာတော့ စာဖတ်သူသဘောပေါက်လောက်ပါတယ် ပေါက်မယ်လို့လဲ ကျွန်တော်ယူဆပါတယ် ပြီးတော့ဝင်ပြိုင်တဲ့ပွဲတိုင်းအောင်ပန်းတွေပဲဆွတ်ခူးတဲ့ United 2008 မြန်မာအသင်းကိုလဲဂုဏ်ယူပါတယ် နောက် Ultimate Futsal League Champion ဖြစ်တဲ့အခါကျမ ှဓါတ်ပုံမှတ်တမ်းဝေေ၀ဆာဆာနဲ့ဂုဏ်ပြုပါဦးမယ် ဒီနေ့လေးကတော့စလုံးကိုရောက်တဲ့နေ့တွေထဲက အမှတ်တရဖြစ်ဆုံးနေ့လေး ၁ နေ့ပါပဲဗျာ

(စာရေးနေတာနဲ့ည ၃ နာရီထိုးသွားပြီ အိပ်တော့မယ် မနက်ကျောင်းရှိသေးတယ် နောက်ကျလွန်းလို့ ဆရာကလဲသိပ်မကြည်တော့ဘူး ဟီးဟီး မနက်ဖြန်တော့ အတန်းမှီအောင်တက်လိုက်ဦးမယ်)

စေတန်နှင့်ဒုတိယံပိဘလော့ရေးခြင်း

အရင်လက ကျွန်တော့်ဘလော့လေး ဘာဘူကြီးကိုပြင်တာဗျာ အပြင်လွန်ပြီးပျက်သွားတယ် တော်တော်နှမြောတယ်ဗျာ restore ပြန်လုပ်ဖို့ကျတော့လဲ save မလုပ်ထားလိုက်ရဘူးဗျာ ကျွန်တော့်ပထမဆုံးဘလော့လေးဆိုတော့ ပိုနှမြောမိတာပေါ့ဗျာ အဲဒါလေးကို ဖြစ်အောင်လုပ်တာ ၂ လလောက်ကြာတယ်ဗျာ ပျင်းတာရော မလုပ်တတ်တာရောပါတာပေါ့ဗျာ ဒါပေမဲ့ဘလော့ရေးချင်စိတ်လေးကမကုန်သေးတာကြောင့် အခုဘလော့လေးကိုဆက်ရေးလိုက်တာပါ ကျွန်တော်ဗရုတ်သုတ်ခတွေပြောသမျှ ရေးသမျှကိုသည်းခံပြီးဖတ်ပေးတဲ့သူငယ်ချင်းတွေ အားလုံးကိုလဲ အထူးကျေးဇူးတင်ပါတယ် ဆက်ပြီးလဲအားပေးကြပါလို့ပြောချင်ပါတယ်ဗျာ အရင်က ဘာဘူကြီးမှာတင်ထားတဲ့ပို့စ်လေးတွေကို ပြန်တင်ပေးလိုက်ပါတယ်